ՀԴԲ-ն հետախուզում է հայտարարել կնոջ նկատմամբ, որը մեղադրվում է ապագա մոր եւ նրա չծնված երեխայի սպանության համար, հայտնում է Americaru-ն:
Շանիկա Մայնորը հայտնվել է ԱՄՆ-ի ամենափնտրվող հանցագործների ցուցակում, երբ սպանել է Տամեկկա Պերրիին Միլուոկիից: Զոհը հղիության 9-րդ ամսում էր. նրա երեխան պետք է ծնվեր շաբաթվա ընթացքում:
Նշվում է, որ Շանիկա Մայնորը հարեւանուհու հետ վիճել է բարձր երաժշտության պատճառով: Վեճն այն աստիճան է սրվել, որ ամերիկուհին Պերրիին սպանել է Միլուոկիում նրա իսկ տան շեմին` երկու դուստրերի աչքի առաջ: Չծնված երեխան եւս մահացել է:
Սպանություն կատարելուց հետո Մայնորը փախել է ոստիկանությունից: Այժմ նրան փնտրում են ամբողջ երկրում: Նրա վերաբերյալ տեղեկության համար 100 հազար դոլար կվճարեն: