«Հրապարակ» թերթը գրում է. «Արտահերթից աչք չբացող պատգամավորներն էլ չեն դիմանում. վայրկյան առաջ սպասում են՝ «կոշմարը» պրծնի, գնան հանգստի, մանավանդ, որ ԱԺ դահլիճում, ճիշտ է, նախկինի պես շոգ չէ, բայց հով էլ չէ:
Բանն այն է, որ կորեական էժանագին «կոնդիցիոներները» «ա լյա Հայաստան» խիստ միակուսակցական են ստացվել. փչում են մեկ ուղղությամբ` ԲՀԿ-ի եւ «Համախմբման», այդ մասում նստածներին սառեցնելով: Էդ մտածվա՞ծ եք էդպես դրել, հարցրինք ԱԺ պատասխանատուներից մեկին, պատահաբար «քսենոֆոբիայի» դրսեւորում չէ՞։ «Այ ցավդ տանեմ, դնողն էլ էին էն ժամանակ իրենք, փչողն էլ են էսօր իրենք. կարող էին էն օրերին ասել` սառում ենք, մի դրեք էդպես, մենք կապ չունենք, էդպես ենք ընդունել»:
Բա հիմա իրենց ազնիվ ցեղը կորչի գնա՞ մրսելուց: «Իրենք կրակում չեն այրվում, ջրում չեն խեղդվում՝ մի անհանգստացեք»:
Առավել մանրամասն՝ թերթի այսօրվա համարում