Հայաստանի կառավարությունը հունիսի 30-ի նիստի ժամանակ հաստատել է մի շարք փոփոխություններ որոշումներում, որոնց համաձայն՝ տնտեսվարող սուբյեկտները ստիպված չեն լինի կնիքով փաստաթղթեր ներկայացնել մինչեւ կազմակերպության ստեղծումը: Մասնավորապես երբ ձեւավորվում է իրավաբանական անձը, կազմակերպության ղեկավարը ձեռք է բերում կնիք, ինչը դանդաղեցնում է գրանցման գործընթացը ու միաժամանակ չի երաշխավորում, որ փաստաթղթերը կեղծված չեն:
Ըստ վերջին բարեփոխումների՝ գրանցման ու հետագա գործընթացների ժամանակ էլեկտրոնային ստորագրության ներդրումից հետո կնիքի առկայության անհրաժեշտություն չկա: Մինչդեռ, Կառավարության մի շարք որոշումներում դեռ կան կետեր, որոնց համաձայն կնիքի առկայությունը անհրաժեշտ է: Կառավարության տվյալ որոշումը կհեշտացնի ընկերությունների գրանցման գործընթացը, կկրճատի ժամանակն ու ծախսերը: Բացի դրանից ընկերությունները ստիպված չեն լինի վճարել 15 500 դրամ կնիք ձեռք բերելու համար: