«Ես դա չեմ գնահատում, ես գտնում եմ, որ ընդդիմությունը ընդդիմության դեմ որեւէ խոսակցություն չպետք է ունենա»:

Լրագրողների հետ զրույցում այսօր՝ հունիսի 30–ին, այսպես արձագանքեց ԱԺ պատգամավոր Հրանտ  Բագրատյանը՝ անդրադառնալով նախօրեին խորհրդարանում պատգամավորներ Նիկոլ Փաշինյանի, Նաիրա Զոհրաբյանի եւ Հեղինե Բիշարյանի վիճաբանությանը:

Հարցին, թե ինչո՞ւ այդքան քիչ քաղաքացիներ Ռուսաստանի հետ միավորված ՀՕՊ համաձայնագրի դեմ դուրս եկան, Բագրատյանն ասաց. «Բայց ես ախր ինչ ասեմ, ես հո Նաստրադամուսը չեմ։ Սա մեր իրավիճակն է։ Բոլորը համարում են, որ եթե Ռուսաստանի դեմ քվեարկես, քաղաքականությունից պիտի դուրս գաս»։

Նշենք, որ ընդդիմադիր պատգամավոր Հրանտ Բագրատյանը եկել էր կառավարություն չինացի գործարարի հետ, ինչպես ինքն ասաց, բիզնեսի գործերով։