Քիչ առաջ ավազակային հարձակում է տեղի ունեցել Երեւանի Ներքին Չարբախ թաղամասում։ NEWS.am-ին հայտնի է դարձել, որ դիմակավորված եւ զինված մի տղամարդ ներխուժել է թաղամասի 3-րդ փողոցի տներից մեկը եւ դանակի սպառնալիքով գումար պահանջել։
Տանը միայն 81-ամյա տարեց տանտիրուհին է եղել։ Գումար չգտնելով՝ նա դանակի սպառնալիքով հանել է կնոջ ոսկյա ականջողերը, թեւնոցը, մատանին եւ դիմել փախուստի։
Այս պահին դեպքի վայրում են իրավապահները։ Մեր տեղեկությունը հաստատել են ոստիկանությունից՝ նշելով, որ միջոցառումներ են ձեռնարկվել ավազակային հարձակում կատարած կատարած անձին հայտնաբերելու ուղղությամբ։