Թուրքիայում ահաբեկչություններ իրականացնելու որոշում «Իսլամական պետության» ղեկավարությունը դեռ չի կայացրել, որի պատճառով էլ ԻՊ–ը Թուրքիայում իրականացվող ահաբեկչությունների պատասխանատվությունը չի ստանձնում։ Նման հայտարարություն է արել PKK–ի (Քուրդիստանի բանվորական կուսակցություն) առաջնորդներից Մուրադ Քարայլըանը։
Քրդական ANF–ի փոխանցմամբ՝ Մուրադ Քարայլանը մեկնաբանել է հունիսի 28–ին Ստամբուլի օդանավակայանում «Իսլամական պետության» կողմից իրականացված արյունալի ահաբեկչությունը։ Քարայըլանը պնդել է, թե սխալ են արտասահմանյան այն վերլուծաբանները, ովքեր նշում են, թե «Իսլամական պետությունը» դուրս է եկել վերահսկողությունից եւ սկսել է նաեւ Թուրքիային թիրախավորել։
Ըստ Քարայըլանի՝ ԻՊ–ը դեռ Թուրքիայում ահաբեկչություն իրականացնելու որոշում չի կայացրել, իսկ Ստամբուլի օդանավակայանի եւ նախկինում իրականացված այլ ահաբեկչություններն իրականացվել են ԻՊ–ի կենտոնից անկախ թեւ հանդիսացող խմբավորման կողմից։ «ԻՊ–ի այդ թեւը գտնվում է Թուրքիայի հատուկ ծառայությունների հսկողության ներքո։ Նախկինում էլ այդ թեւն է իրականացրել Թուրքիայում քրդերի դեմ մի քանի արյունալի ահաբկեչություն, իսկ հիմա էլ՝ Ստամբուլի օդանավակայանում։ Օդանավակայանում միջազգային տերմինալը հատուկ էր ընտրված։ ԻՊ–ի ահաբեկչությունը Թուրքիայում ծառայում է Էրդողանի շահերին, որի համար էլ Էրդողանը պատերազմ չի հայտարարում «Իսլամական պետությանը»,–ասել է PKK–ի առաջնորդը։