Վանաձորի քիմիական գործարանն իր աշխատանքները կվերսկսի առաջիկա ամիսներին, այս մասին խորհրդարանի ամբիոնից հայտարարեց Հայաստանի էներգետիկայի եւ բնական ռեսուրսների նախարար Արմեն Մովսիսյանը։
Նրա խոսքով, գործարանի աշխատանքները դադարեցվել էին ճգնաժամի պատճառով, սակայն այն կվերագործարկվի։ Նախարարը հայտնեց նաեւ, որ գործարանի ղեկավարությունը խոստացել է մոտ ժամանակներս վճարել բոլոր աշխատողների աշխատավարձերը։ Սակայն, ըստ Մովսիսյանի, դա չպետք է արվի ներդրումային միջոցների հաշվին։
«Եթե ղեկավարությանը դա չհաջողվի, կառավարությունը միջոցներ կձեռնարկի։ Այնպես որ, հարցը մեր ուշադրության կենտրոնում է»,- նշեց նա։