Կանադական դատարանը որոշել է 1 մլրդ կանադական դոլարի չափով (873 մլն դոլար) տուգանել Մոնրեալցի Ադամ Գուերբեզին, ով Facebook սոցիալական ցանցում տարածում էր ոչ ցանկալի հաղորդագրություններ:
Այսպիսով կանադական դատարանը պահպանել է Կալիֆորնիայի դատարանի` 2008 թվականին ընդունված նմանատիպ որոշումը: Ինչպես հաղորդում է Gazeta.ru-ն, Գուերբեզը հայտարարել է, որ «չի վճարի ընկերությանը ոչ մի ցենտ, քանի որ սնանկ է»:
Բացի այդ, սփամ տարածողը հրաժարվում է ընդունել իր մեղքը, սակայն հայտարարում է, որ չի բողոքարկի դատարանի որոշումը, քանի որ չունի միջոցներ Facebook-ի հետ դատական գործընթացը շարունակելու համար:
