Նախօրեին Երեւանի տարբեր հատվածներից բերման ենթարկված բոլոր անձինք ազատ են արձակվել, իսկ բռնության մասին ահազանգերի վերաբերյալ հաղորդումները ուսումնասիրվում են։ Այս մասին NEWS.am-ի հետ զրույցում նշել է ոստիկանության լրատվական ծառայության պետ Աշոտ Ահարոնյանը:
«Բոլորը ոստիկանություն են բերվել իրավական կոնկրետ հիմքերով, իսկ ինչ վերաբերում է բռնություններին,կարծում եմ վերջին տարիներին, բոլորն էլ համոզվել են, որ ոստիկանությունը վաղուց հրաժարվել է նման գոործելաոճից, ոստիկանության աշխատանքը բոլորի համար տեսանելի է։ Շատ լավ ճանաչում ենք այն անձանց, ովքեր պարբերաբար այդ բովանդակությամբ հայտարարություններ են անում իրենց հանդեպ կիրառված իբր բռնությունների մասին, բայց, այնուամենայնիվ, ուզում եմ նշել նաեւ, որ մեր որդեգրած քաղաքականությանը հավատարիմ ոչ մի հայտարարություն եւ հրապարակում անարձագանք չի մնում: Ոստիկանության պետ Վլադիմիր Գասպարյանին հանձնարարությամբ բռնության մասին բոլոր այդ հաղորդումները ուսումնասիրվում են»,-ասել է նա:
Նշենք, որ հուլիսի17-ին ոստիկանության ՊՊԾ գնդի վրա զինված հարձակման դեպքի շրջանակում ոստիկանները մայրաքաղաքի տարբեր հատվածներից բերման են ենթարկել մի քանի տասնյակ քաղաքացիների։ Բերման ենթարկվածները ահազանգում են, որ նրանց ոչ միայն բերման են ենթարկել ապօրինի, այլեւ դա ուղեկցվել է բռնություններով, բացի այդ նրանց առանց հիմք պահել են 5-6 ժամից ավելի: