Գիտնականները Սալեխարդի մոտ հայտնաբերել են նախապատմական շների խոշոր գերեզման։ Կենդանիներին դաժանաբար սպանել էին, իսկ ամենայն հավանականությամ՝ կերել, հայտնում է Live Science–ը։
«Ամենից շատ ապշեցնում է այն, որ Ուստ Պոլույում շների մնացորդները շատ ավելի շատ են եղել, քան համանման կայանատեղիների տարածքներում՝ 115, այլ ոչ թե 8-10»,– մեջբերում է Lenta–ն հնագետ Ռոբերտ Լուզիին։
Ընդ որում, 2 հազար տարվա պատմություն ունեցող այս 115 գերեզմաններում հատկապես շքեղ ծեսով թաղված 5 շան մնացորդներ են գտել։ Այս հայտնագործությունը մատնանշում է երկաթի դարի որսոդ–հավաքորդների եւ շների միջեւ եղած սերտ կապը, նշում են գիտնականները։
Շները սայլեր են քաշել, օգնել են որսի ժամանակ եւ ծառայել են որպես սնունդ։ Նրանց կարող էին զոհաբերել նաեւ կրոնական ծիսակարգերի ժամանակ։