Ադրբեջանի նախագահ Իլհամ Ալիեւը հրամանագիր է ստորագրել Գըզըլ Շյարգ զինվորական ավանի շենքերն ու շինությունները եւ Զեյնալաբդին Թաղիեւ ավանում գտնվող զինվորական օդանավակայանի մի տերմինալը Թուրքիայի Զինված ուժերի անձնակազմի օգտագործմանը փոխանցելու շուրջ արձանագրությունները հաստատելու մասին:
Այս արձանագրությունն Ադրբեջանի եւ Թուրքիայի կառավարությունների միջեւ ստորագրվել է 2013 թվականի հունիսին, Բաքվում: Այս մասին հաղորդում են ադրբեջանական լրատվամիջոցները:
Հրամանագրով Ալիեւն Ադրբեջանի պաշտպանության նախարարին հանձնարարել է ապահովել արձանագրության կատարումը, իսկ ԱԳ նախարարությանը՝ Թուրքիայի կառավարությանը տեղեկացնել այն մասին, որ ներպետական բոլոր գործընթացներն Ադրբեջանը կատարել է: