Հայաստանի ԱԻՆ-ում, այսօր՝ հուլիսի 21-ին, ժամը 02.06-ին ահազանգ է ստացվել, որ Արարատի մարզի Արտաշատ քաղաքի Նուբարաշեն թաղամասից դեպի Բարձրաշեն գյուղ տանող ճանապարհին ավտոմեքենան արգելափակվել է ճահճում. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Սուբարո» մակնիշի 89 AS 898 համարանիշով ավտոմեքենան (վարորդ՝ Ա. Ս.) արգելափակվել է ցեխակույտում, որը դուրս բերելու համար անհրաժեշտ է հատուկ տեխնիկա: