Ընթացիկ տարվա 9 ամիսների ընթացքում Ադրբեջանում արձանագրվել է մարդկանց առեւտրի 63 դեպք, վնասազերծվել 5 հանցավոր խումբ եւ բացահայտվել 29 հանցագործ:
APA գործակալության փոխանցմամբ, այդ մասին հայտարարել է մարդկանց առեւտրի դեմ պայքարի համակարգող, ՆԳ փոխնախարար Վիլայաթ Էյվազովը՝ խորհրդարանին ներկայացրած իր զեկույցում:
Ըստ այդ զեկույցի՝ ներկայումս հետախուզման մեջ է 43 անձ: 35 զոհերից 25-ը տեղավորվել են հիվանդանոցում, աշխատանքներ են տարվում նրանց հասարակությանն ինտեգրելու ուղղությամբ:
6 անձանց հասցված վնասը հատուցվել է դատական կարգով:
Հետազոտությունները ցույց են տվել, որ զոհերից 23-ն ուղարկվել են Թուրքիա, չորսը՝ ԱՄԷ, երեքն՝ Իրան: Հաշվետու ժամանակահատվածում 52 անձ ձերբակալվել է մարմնավաճառության, 63-ը՝ անբարոյականության օջախներ պահելու համար:
