Հայաստանի Զինված ուժերի ներկայացուցիչները՝ ՀՀ ՊՆ բարձրագույն սպայական խորհրդի անդամ, «Տանկային բիատլոնի ֆեդերացիայի» հայկական մասնաճյուղի ղեկավար, գեներալ-լեյտենանտ Մուրազ Սարգսյանի ղեկավարությամբ, այսօր՝ հուլիսի 21-ին, մեկնել են Մոսկվա:
ՊՆ-ից NEWS.am-ին հայտնում են, որ նրանք մասնակցելու են Ռուսաստանի Դաշնությունում եւ Ղազախստանի Հանրապետությունում «Միջազգային բանակային խաղեր-2016» միջոցառման շրջանակում անցկացվելիք «Տանկային բիատլոն», «Զորային հետախուզության գերազանցիկներ» և «Դիպուկահարների սահմանագիծ» մրցումներին: Մրցումների մեկնարկը կտրվի հուլիսի 30-ին:
