Բրիտանիայի ոստիկանությունը հայտարարել է, որ Նորֆոլկ կոմսությունում տեղի ունեցած միջադեպը, երբ անհայտ անձինք բրիտանացի օդաչուին սպառնացել էին դանակով, ուսումնասիրվում է որպես առեւանգման փորձ՝ հնարավոր է, ծայրահեղական դրդապատճառներով։
Միջադեպը տեղի էր ունեցել Նորֆոլկ կոմսության Մերհեմ ավիաբազայի զորանոցների մոտակայքում։ Զինծառայողը պատմել է, որ ինքը քաղաքացիական հագուստով վազքի էր դուրս եկել, երբ իրեն էին մոտեցել 2 տղամարդ եւ դանակով սպառնալով՝ փորձել էին խցկել մինիվենի մեջ։ Սակայն դա նրանց չէր հաջողվել, եւ տղամարդիկ այդ մեքենայով հեռացել էին։
Ոստիկանության ներկայացուցչի խոսքով՝ դեռեւս անհասկանալի է, թե ինչ դրդապատճառներ են ունեցել հարձակվողները, եւ բացառված չէ, որ դրդապատճառները ծայրահեղական բնույթի են եղել, հայտնում է BBC –ն։