Բոլոր պետությունները պետք է միավորվեն համաշխարհային տնտեսության վերականգնման համար համատեղ աշխատելու նպատակով։ Այս մասին ասել է Չինաստանի Պետխորհրդի վարչապետ Լի Կեցյանը, փոխանցում է «ՌԻԱ Նովոստի»–ն։

Չինաստանի Պետխորհրդի վարչապետը նշել է, որ բոլոր երկրներն ու միջազգային կազմակերպությունները պետք է լիակատար աջակցություն ցուցաբերեն միջազգային առեւտրային համակարգի գլոբալիզացման գործընթացին։ Պետք է նաեւ պայքարել պրոտեկցիոնիզմի ցանկացած դրսեւորման դեմ, ուժեղացնել մակրոէկոնոմիկայի մեջ համակարգումը  եւ ապահովել դրա թափանցիկությունը, ինչպես նաեւ զերծ մնալ խիստ սահմանափակող միջոցներից։

Նրա խոսքով՝ Չինաստանը մտադիր է հասնել իր առջեւ դրված տնտեսական աճի ցուցանիշներին։ Չինաստանը շարունակելու է կրճատել արդյունաբերության մեջ ավելորդ հզորությունները, ուժեղացնի ստվերային տնտեսության դեմ պայքարը եւ արժեթղթային պատերազմ չի խաղալու։