Շվեդ ավտոարտադրող Volvo–ն մտադիր է մինչեւ 2021թ. թողարկել ինքնակառավարվող ավտոմեքենա, պարզել է Bloomberg–ը: Այսպիսով, շվեդական ընկերությունը ուզում է մրցակցել գերմանական BMW–ի հետ, որը նույնպես մտադիր է հինգ տարուց ինքնակառավարվող տեխննոլոգիաներ ներդնել, հայտնում է RNS–ը:
Volvo-ն արդեն հաջորդ տարի սկսելու է ինքնակառավարվող տեխնոլոգիաներով նոր մոդելների փորձարկումները: Դրանք կանցնեն Շվեդիայի Գետեբորգե քաղաքում, նաեւ Լոնդոնում ու Չինաստանում: Ընդհանուր առմամբ յուրաքանչյուր քաղաքում փորձարկում կանցնի մոտ 100 ավտոմեքենա, իսկ ղեկին սովորական վարորդներ կլինեն:
«Մինչեւ 2021 թ. մենք ուզում ենք թողարկել ավտոմեքենա, որը կարող է լրիվ ինքնուրույն երթեւեկել մայրուղով»,- հայտնել է Bloomberg գործակալությանը Volvo–ի գլխավոր տնօրեն Խական Սամուելսոնը: Միեւնույն ժամանակ ի տարբերություն գերմանական BMV–ի, որը աշխատում է աօնօդաչու տեխնոլոգիաների վրա՝ ամերիկյան Intel ու Mobileye ընկերությունների հետ համատեղ, Volvo-ն դեռ գործընկերներ է որոնում:
Շվեդական ընկերությանը անհրաժեշտ է փորձագիտական օգնություն ծրագրային ապահովման ու «ամպային» ծառայությունների հարցում, նշել է Volvo–ի գլխավոր տնօրենը: