Չինաստանում ջրհեղեղները ավելի քան 30 մարդու կյանք են խլել: Հուլիսի 22-ի դրությամբ հյուսիսկորեական Խեբեյ նահանգում հորդառատ անձրեւների հետեւանքով զոհվածների թիվը հասել է 35-ի, եւս 77-ը անհետ կորած են համարվում: Տարերքին տուժել է մոտ 6.69 մլն մարդ, հայտնում է «Սինհուա» գործակալությունը՝ վկայակոչելով քաղաքացիական աշխատակազմի նահանգային վարչությունը:
Ջրհեղեղները, որոնք սկսվել են նահանգում հուլիսի 18-ին 27.89 հազար կառույց են փլել ու վնասել եւս 83.11 հազարը: Ջրի տակ է մնացել 536 հազար հեկտար գյուղատնտեսական հողատարածք, 17 հազար հեկտարի բերքն ամբողջովին ոչնչացվել է:
Գերատեսչության ներկայացուցչի խոսքով, այս պահին ավելի քան 211 հազար տեղացիներ տարհանվել են: Հուլիսի 21-ին նահանգի բյուջեից տուժածներին որպես օգնություն հատկացվել է մոտ 3 մլն դոլար: