«Չորրորդ իշխանություն» թերթը գրում է. «Անդրադառնալով զինյալների կողմից ՊՊԾ գնդի գրավումից հետո ստեղծված իրավիճակին ու այդ խնդրի լուծմանը ԱԺ նախագահ Գալուստ Սահակյանն ասել Է. «Եթե ճիշտ չլուծենք, դա դեմ դուրս կգա պետությանը։ Առայժմ մենք պետք է մտածենք ամեն ինչ անել, որպեսզի պետության դերակատարումն իր տեղում մնա»։
«ՉԻ» - Ըստ երեւույթին Գալուստ Սահակյանն այս միտքը հայտնել է Սերժ Սարգսյանի ելույթից հետո առաջացած ծանր տպավորությունը հաղթահարելու եւ մարդկանց տրամադրությունը մի քիչ բարձրացնելու համար։ Կամ էլ՝ նրան ասել են, որ շեֆն արդեն խոսել է, ու կարելի է նաեւ մտքեր հայտնել, ինքն էլ որոշել է ելույթ ունենալ՝ կամայական հերթականությամբ ինչ-որ բառեր արտասանելով։ Որպեսզի «ԱԺ նախագահի դերակատարումն իր տեղում մնա»։
Որովհետեւ հակառակ դեպքում «դա դեմ դուրս կգա պետությանը»: Որեւէ բան հասկացա՞ք: Եթե չհասկացաք՝ նշանակում է վերջին իրադարձությունները չեն ազդել Գալուստ Սահակյանի վրա: Նրա մոտ ամեն ինչ նույնն է»:
Առավել մանրամասն՝ թերթի այսօրվա համարում