Կիեւի քաղաքապետ Վիտալի Կլիչկոն խոստացել է մայրաքաղաքում «ուկրաինական Դիսնեյլենդ» կառուցել՝ զբոսաշրջիկների գրավելու համար: Այս մասին հաղորդում է Delo.ua-ն:
«Առաջիկայում կներկայացնենք Հիդրոպարկի զարգացման հայեցակարգը, որը ժամանցի ավան կդառնա: Այստեղ՝ այսպես կոչված ուկրաինական Դիսնեյլենդում, հնարավոր կլինի հանգստանալ երեխաների հետ»,- ասել է Կլիչկոն:
Քաղաքապետը նշել է, որ այժմ բանակցություններ են վարում ներդրողների հետ, որոնք նման նախագծերի իրականացման մեծ փորձ ունեն:
Կլիչկոյի խոսքով՝ Ուկրաինայի մայրաքաղաքը պետք է գրավի եվրոպական երկրների քաղաքացիներին: