Մեխիկոյի կենտրոնում բարի 13 հաճախորդների առեւանգման ու սպանության մեջ մեղադրվող երկու հանցագործները դատապարտվել են 520 տարվա ազատազրկման, հուլիսի 23-ին հայտնել է Մեքսիկայի մայրաքաղաքի գլխավոր դատախազությունը, փոխանցում է «ՌԻԱ Նովոստին»:
Հանցագործությունը կատարվել է 2013-ի վերջին, մի խումբ զինված մարդիկ առեւանգել են բարում հանգստացող երիտասարդներին, ավելի ուշ գտել էին նրանց մարմինները՝ ընդհանուր գերեզմանափոսում: Հետաքննությունը պարզել է այդ հանցագործության 22 մասնակիցների անձը, նրանցից յոթը արդեն դատապարտվել են տարբեր ժամկետներով ազատազրկման, ընդ որում երեքը 2015-ի սեպտեմբերին դաատապարտվել են 520 տարվա ազատազրկում:
Մեխիկոյի գլխավոր դատախազությունը նշում է, որ երկու դատապարտվածները պետք է նաեւ 5 ական միլիոն պեսոյի չափով տուգանք վճարեն (մոտ 270 հազար դոլար):