Հոկտեմբերի 7-ին, ժամը 01.20-ին, «շտապ օգնության» կայանից ոստիկանության Վանաձորի բաժնում հաղորդում է ստացվել, որ «ձախ արմնկային շրջանի եւ աջ թիակային շրջանի պատռված վերք եւ ծոծրակի շրջանի սալջարդ վերք» ախտորոշմամբ հիվանդանոց է տեղափոխվել 53-ամյա Աստղիկ Ա.-ն: Նա հայտնել է, որ նշված վնասվածքները ստացել է Հալաբյան փողոցում` թիկունքից հարվածներ ստանալու հետեւանքով:
Ոստիկանության մամուլի ծառայությունից NEWS.am-ին հայտնում են, որ պարզվել է, որ նույն օրը, ժամը 00.05-ի սահմաններում, անհայտ անձը թիկունքից հարվածել է Աստղիկ Ա.-ին եւ կյանքի համար վտանգավոր բռնությամբ հափշտակել պայուսակը, որի մեջ եղել է 1.500 դրամ եւ անձնական իրեր:
Նույն օրը, ժամը 23.30-ին, պարզվել է, որ Աստղիկ Ա.-ի նկատմամբ ավազակային հարձակումը կատարել է նախկինում 3 անգամ ազատազրկման դատապարտված, 33-ամյա Սլավիկ Ո.-ն:
Նա բերման է ենթարկվել, իսկ դանակն առգրավվել է:
Հափշտակվածը մասամբ առգրավված է: Կատարվում է նախաքննություն: