Պեկինի վայրի բնության սաֆարի պարկում ամուրյան վագրը հարձակվել է երկու այցելու կանանց վրա, հաղորդում է Associated Press-ը։
Միջադեպը տեղի է ունեցել երբ երկու կանայք դուրս են եկել մեքենայից, որով տեղաշարժվում էին պարկի տարածքում՝ խախտելով անվտանգության պահանջները։
Նրանցից մեկը ստացված վնասվածքներից տեղում մահացել է, մյուսը տեղափոխվել է հիվանդանոց այն բանից հետո, երբ կենդանաբանական այգու աշխատակիցները հեռու են վանել վագրին։
Daily Mail-ը գրում է, որ մեքենայում եղել է 4-հգանոց ընտանիք, այդ թվում երեխա։
Սաֆարիի ընթացքում կնոջ եւ տղամարդու միջեւ վեճ է ծագել, եւ կինը կատաղած դուրս է եկել մեքենայից։ Նրա հետեւից դուրս է եկել նաեւ ավագ բարեկամուհին, որի վրա էլ հենց հարձակվել է թփուտներում թաքնված վագրը։
Այս պահին հատուկ աշխատանքային խումբը զբաղվում է տեղի ունեցածի հանգամանքները պարզելով։
