Բելգիայի խորհրդարանը կքննարկի Մոսկվայի դեմ ԵՄ պատժամիջոցների չեղարկման մասին բանաձեւի նախագիծը։ Այս մասին հայտնել է փաստաթղթի նախաձեռնող, Բելգիայի Ներկայացուցիչների պալատի Աջ պահպանողական ժողովրդական կուսակցության պատգամավոր Ալդո Կարկասին։
Նրա խոսքով, բանաձեւի նախագիծը ներկայացվել է քննարկման։ «Խորհրդարանական արձակուրդներից անմիջապես հետո Ներկայացուցիչների պալատի արտաքին հարաբերությունների հանձնաժողովում այդ հարցով լսումներ տեղի կունենան»,-ասել է պատգամավորը։
Ալդո Կարկասիի խոսքով, այդ փաստաթուղթն ուղղված է նրան, որ լիազորի Թագավորության կառավարությանը հանդես գալու Ռուսաստանի նկատմամբ ԵՄ պատժամիջոցները հանելու օգտին։ Նշվում է, որ այդ պատժամիջոցներից տուժում են բելգիացի գյուղացիները։
Հիշեցնենք, որ հունիսի կեսերին Եվրախորհրդարանի պատգմավորների խումբը կոչ է արել հանել ՌԴ հատուկ ծառայությունների ղեկավարների նկատմամբ պատժամիջոցները։