Ավստրալիայի Օլիմպիական կոմիտեն հայտարարել է, որ երկրի հավաքականը հրաժարվում է իջեւանել Ռիո դե Ժանեյրոյի Օլիմպիական ավանում, քանի որ մարզիկների համար նախատեսված տարածքը, նրանց խոսքով, պիտանի չեն կյանքի համար: Այս մասին հաղորդում է BBC-ն:
Ավստրալական պատվիրակության ղեկավար Քիթի Չիլլերը տեղեկացրել է, որ բնակարաններում զուգարանները չեն գործում, էլեկտրական մալուխները բաց են, խողովակներից ջրի արտահոսք կա, աստիճանավանդակներում լուսավորումը բացակայում է:
Նրա խոսքով՝ չնայած ձեռնարկվող քայլերին, հնարավոր չէ ասել, արդյո՞ք բոլոր խնդիրներն արագորեն կլուծվեն:
Մարզիկներն այժմ տեղավորվում են հարեւան հյուրանոցներում: Չիլլերի խոսքով՝ նույն խնդիրներին են բախվել նաեւ Բրիտանիայից եւ Նոր Զելանդիայից ժամանած մարզիկները: