Լիբիայի կառավարությունը կանչել է Ֆրանսիայի դեսպանին՝ երկրում Ֆրանսիայի ռազմական ներկայության առնչությամբ առաջացած մտահոգությունների ֆոնին: Այս մասին գրում է ՏԱՍՍ-ը՝ վկայակոչելով Associated Press-ը:
Անցյալ շաբաթ Լիբիայում երեք ֆրանսիացի սպա է սպանվել: Ֆրանսիայի դիվանագիտական կորպուսում գործակալության աղբյուրի համաձայն՝ դեսպան Անտուան Սիվանը, որն անվտանգության նկատառումներով Թունիսում է, կառավարության պահանջով առաջիկա օրերին Լիբիա կմեկնի:
Դիվանագիտական աղբյուրի փոխանցմամբ, Ֆրանսիայի նպատակն է՝ սատարել Լիբիայի ազգային միասնության կառավարությանը եւ համագործակցել ծայրահեղականների դեմ պայքարում:
