«Իսլամական պետություն» ահաբեկչական խմբավորումը ստանձնել է բավարական Անսբախ քաղաքում տեղի ունեցած պայթյունի պատասխանատվությունը: Այս մասին գրում է Associated Press-ը:
Բավարիայի ՆԳՆ ղեկավար Իոահիմ Հերմանը հաղորդել է, որ մահապարտը կապ է ունեցել ԻՊ-ի հետ: Ըստ Reuters-ի՝ դա հաստատել է նրա բջջային հեռախոսում հայտնաբերված տեսանյութը, որում նա հավատարմություն է հայտնում ահաբեկիչների առաջնորդին եւ արաբերեն ասում, որ պայթյունը «վրեժի գործողություն է լինելու գերմանացիների դեմ»:
Հուլիսի 24-ի լույս 25-ի գիշերը բավարական Անսբախ քաղաքում պայթյուն է որոտացել, ինչի հետեւանքով մեկ մարդ է զոհվել՝ 27-ամյա սիրիացի: Եվս 15 մարդ վիրավորվել է: