Չինաստանն ու ԱՄՆ-ն պետք է ձգտեն խորացնել փոխվստահության մակարդակը: Այս մասին ԱՄՆ նախագահի՝ ազգային անվտանգության հարցերով օգնական Սյուզան Ռայսի հետ հանդիպման ժամանակ հայտարարել է Չինաստան ղեկավար Սի Ցզինպինը:
Սինխուա գործակալության փոխանցմամբ՝ նա նշել է, որ Չինաստանը չի պատրաստվում մարտահրավեր նետել միջազգային կարգին եւ կանոններին: Չինաստանի եւ ԱՄՆ-ի համար ընդհանուր շահերը զգալիորեն գերազանցում են տարաձայնությունները, եւ կողմերը պետք է համագործակցեն բազմաթիվ ոլորտներում:
Սյուզան Ռայսն իր հերթին նշել է, որ ԱՄՆ-ն սատարում է համատեղ ջանքերով երկկողմ փոխվստահության խորացումը, պրագմատիկ համագործակցության ամրապնդումը եւ շփումների ակտիվացումը՝ տարաձայնություններն արդյունավետորեն կարգավորելու նպատակով:
