Նորմանդական Սենթ Էթյեն դե Ռուվրե քաղաքի եկեղեցում հարձակում գործած անձանց գործողություններն ունեն ահաբեկչական ակտին բնորոշ բոլոր նշանները։ Նման կարծիք է հայտնել Ֆրանսիայի Ազգային ճակատ կուսակցության նախագահ Մարին Լե Պենը, փոխանցում է ՏԱՍՍ–ը։
«Սարսափելի լուրեր՝ Սենթ Էթյեն դե Ռուվրեից։ Հանցագործների գործողությունները ստիպում են մտածել ահաբեկչության մասին»,– գրել է նա Twitter–ում։
Իրավապահ մարմիններում աղբյուրների փոխանցմամբ՝ հետաքննությունն արդեն հանձնարարել են դատախազության ահաբեկչության դեմ պայքարի հատուկ ստորաբաժանմանը։
Դանակներով զինված երկու հանցագործ հարձակվել էին Ռուան քաղաքի Սենթ Էթյեն դե Ռուվրեի կաթոլիկ եկեղեցու վրա։ Նրանք պատանդ էին վերցրել հոգեւորականին, երկու միանձնուհիների եւ 2 ծխականի։
Ոստիկանությունն ու ժանդարմերիան ՆԳ նախարարից հրաման էին ստացել անհապաղ անցնել պատանդներին ազատելու գործողության։ Հանցագործները եկեղեցուց փախչելիս ոչնչացվել էին։
Պատանդներից մեկը զոհվել է։ Եվս մեկը ծայրահեղ ծանր վիճակում է։
L'épouvante encore à #SaintEtienneduRouvray. Le modus operandi fait évidemment craindre un nouvel attentat de terroristes islamistes. MLP
— Marine Le Pen (@MLP_officiel) 26 июля 2016 г.
