ԱՄՆ նախագահի հանրապետական թեկնածու Դոնալդ Թրամփը կատակել է իր մրցակից, դեմոկրատական կուսակցության թեկնածու Հիլարի Քլինթոնի օրիորդաց ազգանվան կապակցությամբ, հայտնում է The Hill–ը։

Վիրջինիայի նահանգում ելույթի ժամանակ Թրամփը նշել է, որ Քլինթոնի օրիորդաց ազգանունը՝ Ռոդեմ (Rodham), հնչում է իբրեւ «նեխած» (rotten)։

«Ինչու՞ է Հիլարին ազատվել իր երկրորդ անունից։ Հիլարի Քլինթոն Ռոթեն, ճի՞շտ է։ Միգուցե այն պատճառով, որ դա շատ նման է ճշմարտությա՞ն»,– ասել է Թրամփը՝ մի քանի անգամ կրկնելով «նեխած» բառը։

Նախքան այդ Թրամփը Քլինթոնին անվանել էր «Անպատիվ Հիլարի»՝ (Crooked Hillary)։