Քուվեյթում ճանապարհային պատահարի վայր ժամանած ճանապարհային ոստիկանության աշխատակիցները տուժածներից մեկի ավտոմեքենայում օրանգուտանի ձագ են հայտնաբերել:
Newsru-Israel-ի փոխանցմամբ՝ կենդանու պահվածքն իրավապահներին չափազանց տարօրինակ է թվացել:
Ոստիկանները կապիկի արյան անալիզ են արել՝ թմրանյութերի բարձր պարունակություն հայտնաբերելով: Կենդանու տերը հարցաքննության ժամանակ խոստովանել է, որ օրանգուտանին թմրամոլ է դարձրել, քանի որ դրանց ազդեցության տակ նա շատ զվարճալի է:
Օրանգուտանին փոխանցել են գյուղնախարարության աշխատակիցներին, որոնք պետք է նրան բուժել թմրանյութերի կախվածությունից: Այնուհետեւ կապիկը կվերադառնա հայրենի Ինդոնեզիա: Այդ երկրի դեսպանության աշխատակիցներն արդեն տեղեկացվել են միջադեպի մասին: