Խորենացի փողոցում ավարտվեց ի պաշտպանություն ՊՊԾ գունդը գրաված «Սասնա ծռեր» խմբի կազմակերպված երթը։

Երթի մասնակիցներն անցել են ոստիկանության եւ Ազգային անվտանգության ծառայության շենքերի մոտով։ Երթի մասնակիցները ոստիկանության շենքի մոտ վանկարկել են «Սասնա ծռեր», «Վովա-տեռորիստ»։

NEWS.am-ի թղթակիցը հայտնում է, թե ոստիկանները մեծ ուժերով փակել էին երկու գերատեսչությունների, անեւ կառավարության շենքերը՝ պահպանելով դրանք։ Ցուցարարները վանկարկել են նաեւ ԱԱԾ-ի եւ կառավարության մոտ, իսկ ՀՀԿ գրասենյակի մոտ սուլոցներ եւ «Ամոթ» վանարկումներ են հնչել։

Այսօրվա երթին մասնակցում էին նաեւ Տիգրան Ուրիխանյանի «Ալյանս» կուսակցությունը, Նիկոլ Փաշինյանի «Քաղաքացիական պայմանագիրը», նաեւ «Ժառանգություն» կոսւակցության առաջնորդ Րաֆֆի Հովհաննիսյանը, ինչպես նաեւ սփյուռքահայ հայտնի դերասանուհի Արսինե Խանջյանը։ Երթի կազմակերպիչների պնդմամբ, սա վերջին օրերի ամենաբազմամարդ երթն է եղել։

Երթի վերջում Ալեք Ենիգոմշյանն ու Ալբերտ Բաղդասարյանը ոստիկաններից պահանջեցին վերականգնել կապը «Սասնա ծռերի» հետ։