Նիսում ահաբեկչի բեռնատարը կանգնեցնել փորձող երեք հերոսներին հուլիսի 25-ին քաղաքի շքանշանով են պարգեւատրել, հայտնում է Nicematin–ը։ Ֆրանկը, Գվենելը եւ Ալեքսանդրը Նիսի ահաբեկչության ժամանակ հերոսություն են ցուցաբերել։ Նրանք բոլորը փորձել են կանգնեցնել մեծ արագությամբ ընթացող բեռնատարը։
Առաջինն աչքի էր ընկել քաղաքային օդանավակայանի աշխատակից 49-ամյա Ֆրենկը (Nouvelles d’Armenie–ի փոխանցմամբ Ֆրենկն ամուսնացած է հայուհու հետ), որը իր մոտոցիկլով փորձել է ձախ կողմից մոտենալ բեռնատարին եւ բացել խցիկի դուռը, բայց կորցնելով կառավարումը՝ ընկել էր, իսկ մոտոցիկլը հայտնվել էր բեռնատարի անիվների տակ։
Ֆրենկին ոստիկանությունն անմիջապես կալանավորել էր՝ կարծելով, թե նա ահաբեկչի զինակիցն է։ Մյուս հերոս Գվենելը վազել էր բեռնատարի հետեւից եւ հետո անկանոն կրակահերթի ժամանակ իր մարմնով փակել էր ափին գտնվող մարդկանցից մեկին։
Իսկ Ալեքսանդրը հասցրել էր կառչել բեռնատարի դռնից, սակայն արագ գետնին էր ընկել։
Նիսի նախկին քաղաքապետ, Պրովանս Ալպեր շրջանի խորհրդի նախագահ Քրիստիան Էստրոզին քաղաքապետարանում պարգեւատրել էր քաղաքի երեք հերոսներին։
