Գերմանիայի Ասնբախ քաղաքում պայթյուն իրականացրած հանցագործի գործողությունները կառավարել են սմարթֆոնի օգնությամբ: Ըստ DW-ի՝ այս մասին երկրամասի նախարարների կաբինետի փակ նիստից հետո հայտարարել է Բավարիայի ՆԳ նախարար Յոահիմ Հերմանը:
Հետաքննության տվյալներով, ենթադրյալ ահաբեկիչը շփվել է «ինչ-որ մեկի հետ, որը զգալի ազդեցցություն է ունեցել ահաբեկչության իրականացման վրա»: Ենթադրյալ ահաբեկչի բջջային հեռախոսի պարունակությունը վերլուծելիս քննչական մարմինն ուշադրություն է դարձրել չաթերից մեկում նրա ինտենսիվ նամակագրության վրա:
Յոահիմ Հերմանի խոսքով՝ շփումը դադարել է պայթյունից անմիջապես առաջ: Առայժմ հայտնի չէ, թե որքան երկար է տեւել նամակագրությունը:
Հայտնի չէ նաեւ, թե ով է 27-ամյա սիրիացուն պայթյունի նախապատրաստման եւ իրականացման անմիջական հրահանգներ տվել, արդյո՞ք նա ԻՊ-ի ներկայացուցիչ է, եւ որտեղ է նա գտնվել նրա հետ շփման պահին: