ՄԱԿ-ի Մարդու իրավունքների հարցերի գերագույն հանձնակատար Զեյդ Ռաադ ալ-Հուսեյնն անհանգստություն է հայտնել Ինդոնեզիայում 14 անձի առաջիկա մահապատժի մասին հաղորդագրությունների առիթով՝ հիմնականում թմրանյութերի հետ կապված հանցագործությունների համար:
ատավճիռներն ի կատար են ածվելու այս շաբաթվա ընթացքում, Նուսա-Կամբանգան կղզու բանտում:
«Ինդոնեզիայում մահապատիժների իրագործման՝ հաճախակի դարձած դեպքերը լուրջ մտահոգություն են առաջացնում, եւ ես կառավարությանը կոչ եմ անում անհապաղ դադարեցնել այդ անարդար եւ մարդու իրավունքների հասկացության հետ անհամատեղելի պրակտիկան»,- հայտարարել է ալ-Հուսեյնը:
Գերագույն հանձնակատարը հիշեցրել է, որ 2013 թվականից ի վեր Ինդոնեզիայում արդեն 19 մարդու են մահապատժի ենթարկել թմրանյութերի հետ կապված հանցագործությունների պատճառով: Այդպիսով Ինդոնեզիան Հարավ-Արեւելյան Ասիայում մահապատիժների ռեկորդային թվով երկիր է դարձել: