Գերմանիայում ոստիկանությունը տարհանել է առեւտրի կենտրոններից մեկի այցելուներին եւ աշխատակիցներին՝ հոգեբուժարանից հիվանդի փախչելու պատճառով: Այս մասին հաղորդում է Sky News-ը:
Ոստիկանությունը որոնում է 19-ամյա ալժիրցու, որը փախել է հոգեբուժական կլինիկայից եւ նկատվել Բրեմենի առեւտրի կենտրոնում: Իրավապահները չեն բացառում, որ նա կարող է կապված լինել ծայրահեղական իսլամականների հետ:
Ոստիկանությունում նշել են նաեւ, որ երիտասարդը կարող է առեւտրի կենտրոնում «վտանգավոր առարկա» թաքցրած լինել: Ականատեսները լսել են, թե նա ինչպես է սպառնացել պայթեցնել բոլորին: