«Հայկական ժամանակ» թերթը գրում է. «Խորենացի փողոցից ոստիկանները երեկ բերման ենթարկեցին կանադահայ հայտնի դերասանուհի, աշխարհահռչակ ռեժիսոր Ատոմ Էգոյանի կնոջը՝ Արսինե Խանջյանին։ Ոստիկանների այս քայլը երեկ արձագանք գտավ կանադական առաջատար ԶԼՄ-ներում։
ICI Radio-Canadan-ն հրապարակել էր Արսինեի նկարը՝ նրան բերման ենթարկելիս, նկարագրել, թե ինչ է տեղի ունենում Հայաստանում և արձանագրել, թե ինչպես են իրավապահները բերման ենթարկում Կանադայի քաղաքացի դերասանուհուն։ Նյութը վերնագրված է. «Ձերբակալվել է կանադահայ դերասանուհի Արսինե Խանջյանը»։
Երեկոյան Արսինեին ձերբակալելու մասին տեղեկություններ հայտնեցին նաև կանադական հեռուստաընկերությունները։ Հայ իրավապահների սույն անխոհեմ ու սկանդալային քայլը Կանադայում մեծ աղմուկի առիթ է դարձել։ Արսինե Խանջյանը Հայաստան է եկել ֆիլմում նկարահանվելու: Նա նախօրեին գնացել էր Խորենացի փողոց եւ հանդես եկել ելույթով՝ ի պաշտպանություն ժողովրդի եւ «Սասնա ծռերի»:
Առավել մանրամասն՝ թերթի այսօրվա համարում