Առանց իշխանափոխության Հայաստանում իրավիճակը չի լուծվի: Այս մասին հուլիսի 28-ին լրագրողներին ասել է «Ազգային ինքնորոշում միավորում» կուսակցության առաջնորդ Պարույր Հայրիկյանը՝ մեկնաբանելով ոստիկանության ՊՊԾ գունդը գրավելու հետ կապված իրավիճակը
Հայրիկյանի խոսքով՝ իշանությունները չեն կատարել սեփական խոստումը՝ կոնֆլիկտը լուծել անարյուն եւ սկսել են կրակել՝ վիրավորելով Պավել Մանուկյանին եւ նրա որդուն՝ Արամին: Իսկ դա նշանակում է, որ նրանք կորցնում են ինքնատիրապետումը եւ ցույց են տալիս, որ իրենց չի կարելի վստահել:
«Իշխանությունները պետք է հասկանան, որ այժմ նրանց ձեռնտու չէ մարդկանց սպանել»,- ընդգծել է Պարույր Հայրիկյանը: Նա բացառել է հնրավորությունը, որպեսզի իշխանությունները զենք կիրառեն այն անձանց նկատմամբ, որոնք թույլ են տվել պետական շենքի զինված գրավում: Իսկ նրանք, Հայրիկյանի խոսքով, չեն լքի շենքը, մինչեւ իշխանությունները չհեռանան: