Տարբեր երկրների, այդ թվում՝ Հայաստանի լրատվամիջոցների ներկայացուցիչները հուլիսի 27-ին հանդիպել են Չինաստանի Կոմունիստական կուսակցության Կենտրոնական կոմիտեի քաղաքական բյուրոյի մշտական կոմիտեի անդամի հետ: Հանդիպումը տեղի է ունեցել Պեկինում հուլիսի 26-ին բացված «Մեկ ճանապարհ, մեկ գոտի» ֆորումի շրջանակում:
Լյու Յունշանը տարբեր երկրների լրատվամիջոցներին կոչ է արել խորացնել համագործակցությունը եւ շփումները «Մեկ ճանապարհ, մեկ գոտի» նախաձեռնության շրջանակում: Նա նշել է, որ Չինաստանը պատրաստ է նախագծի բոլոր երկրների հետ կիսվել իր փորձով: Նրա խոսքով՝ նախաձեռնությունը տարբեր երկրներում մեծ ոգեւորությամբ է ընդունվել:
Հանդիպմանը նաեւ մասնակցել են Չինաստանի խոշորագույն թերթերից մեկի «Ժենմին ժիբաո»-ի ներկայացուցիչները:
Մասնակիցները եկել են այն եզրակացության, որ «Մեկ ճանապարհ, մեկ գոտի» նախագիծը համապատասխանում է տարածաշրջանային եւ միջազգային համագործակցության ժամանակակից միտումներին։
Ֆորումի շրջանակներում ելույթ են ունեցել համաշխարհային լրատվամիջոցների՝ Reuters, Associated Press, La Agencia EFE գործակալությունների, El Mundo պարբերականի ներկայացուցիչները։
Նշենք, որ շ հուլիսի 26-ին պաշտոնապես աշխատանքն է սկսել «Մեկ ճանապարհ, մեկ գոտի» մեդիահամագործակցության ֆորումը, որը կազմակերպվում է Չինաստանի «Ժենմին Ժիբաո» պետական լրատվամիջոցի հրավերով: Հայաստանից կոնֆերանսին մասնակցում են NEWS.am եւ Նոյյան Տապան գործակալությունները:
Ֆոտո՝ «Ժենմին Ժիբաո»