ՀՀ ԶՈւ ավիացիայի վարչության ենթակա ուսումնական ավիացիոն էսկադրիլիայում հուլիսի 26-27-ին իրականացվել են ուսումնամարզական թռիչքներ, որոնց մասնակցել են ուսումնական էսկադրիլիայի օդաչու-հրահանգիչները եւ հրամանատարական կազմը:
Հայաստանի ՊՆ-ից NEWS.am-ին հայտնում են, որ ուսումնամարզական թռիչքների նպատակն էր ստուգել օդաչու-հրահանգիչների թռիչքային հմտությունները եւ հրահանգչամեթոդական պատրաստությունը:
Օդաչու-հրահանգիչները թռիչքների ընթացքում մեկ անգամ եւս հաստատել են պատրաստվածության բարձր մակարդակը: