Գերմանիայի կանցլեր Անգելա Մերկելը հայտնել է, որ ահաբեկիչները փորձում են երկրին ստիպել հրաժարվել փախստականների ընդունելուց, հայտնում է Reuters–ը։
Ընդ որում, նա հավելել է, որ կառավարությունը չի հրաժարվի օգնություն ցուցաբերելու իր որոշումից՝ չնայած Գերմանիայում ահաբեկչական հարձակումներին։
«Ահաբեկիչներն ուզում են մեզ ստիպել հրաժարվել նրանից, ինչը մենք կարեւոր ենք համարում, կոտրել մեր միասնությունը»,– ասել է Մերկելը։
Նրա խոսքով՝ գերմանացիները վճռականապես դեմ են մշակույթների եւ կրոնների միջեւ ատելություն ու վախ սերմանելուն։
