Գերմանիայի դաշնային կանցլեր Անգելա Մերկելը չի ցանկացել պատասխանել լրագրողներին այն հարցին, թե մտադի՞ր է կրկին իր թկնածությունը դնել: «Դեռ ժամանակը չէ: Ես այդ մասին ավելի ուշ կհայտնեմ»,- ասել է նա, փոխանցում է DW-ն:
Հուլիսի 28-ին տեղի է ունեցել կանցլերի ավանդական ամառային մամուլի ասուլիսը, որը սովորաբար տեղի է ունենում օգոստոսին: Մինչդեռ այս անգամ այն ավելի վաղ է տեղի ունեցել՝ պայմանավորված վերջին ամսվա ընթացքում Գերմանիայի տարբեր քաղաքներում իրականացված ահաբեկչություններով եւ հարձակումներով: Ասուլիսն առաջին հերթին նվիրված էր Գերմանիա ժամանած փախստականների ընդունման եւ երկրի անվտանգության ապահովման հարցերին:
