Թուրքիայի իշխանությունները տեղյակ են եղել Նորմանդիայում եկեղեցու վրա հարձակված երկրորդ ահաբեկչի՝ Սիրիա մեկնելու մտադրության մասին, բայց չափազանց ուշ են տեղեկացրել ֆրանսիական հատուկ ծառայություններին: Այս մասին հաղորդում է RFI-ն:
Խոսքն Աբդել Մալիք Պետիժանի մասին է: Թուրքիայի իշխանությունները նրան ձերբակալել են հունիսի 10-ին, իսկ այդ տեղեկությունը ուշ են փոխանցել ֆրանսիական իշխանություններին, որպեսզի նրանք կարողանայինք ահաբեկչին «S» ցանկում ներառել. այստեղ ներառվում են պետության անվտանգությանը պոտենցիալ վտանգ ներկայացնող անձինք:
Ըստ France Info-ի՝ Թուրքիան տեղեկությունը Ներքին անվտանգության հարցերի գլխավոր տնօրինությանը փոխանցել է միայն 15 օր անց, իսկ այդ ընթացքում երիտասարդին հաջողվել է թաքնվել: Ֆրանսիական հատուկ ծառայությունները ենթադրել են, որ Աբդել Մալիքը դեռեւս Թուրքիայում է կամ կարողացել է Սիրիա մեկնել, մինչդեռ հունիսի 11-ին նա ֆրանսիական տարածք է ժամանել:
Հիշեցնենք, որ Նորմանդիայում եկեղեցու վրա հարձակման հետեւանքով զոհվել է 86-ամյա քահանան, իսկ հարձակվողները ոչնչացվել են ոստիկանության կողմից:
