Ազատություն հրապարակում հավաքված բազմությունը ցանկանում է երթ անել դեպի Բաղրամյան պողոտա, իսկ ոստիկանությունը հայտարարել է, թե արգելելու է։
NEWS.am-ի թղթակիցը հայտնում է, թե հրապարակում հավաքված բազմությունը վանկարկում է «Բաղրամյան» եւ ցանկանումէ հորդառատ անձրեւի տակ գնալ դեպի նախագահական։
«Ժառանգություն» կուսակցության ներկայացուցիչ Արմեն Մարտիրոսյանը հայտնեց, որ արդեն նոր փուլ են սկսում։ «Նախորդ փուլը «Սասնա ծռերի» պահանջների լեգիտիմացումն էր, եւ ժողովրդի շնորհիվ այդ փուլը անցանք։ Ակնհայտ է, որ մտել ենք քաղաքական փուլ։ Պահանջները հստակ ձեւակերպված են։ Երկրորդ փուլի համր ակտիվությունն ավելի մեծ պիտի լինի։ Երկրորդ փուլում պիտի անցնենք կոնկրետ գործողությունների»,- ասաց Մարտիրոսյանը՝ կոչ անելով Հայաստանի եւ սփյուռքի բոլոր անկյուններում ինքնակազմակերպվել, սկսել քաղաքացիական անհնազանդության քայլեր։
«Արձագանք» ստուդիայի հիմնադիր Եղիշե Պետրոսյանը հայտարարեց, որ պիտի երթ անեն դեպի Բաղրամյան փողոց։
Վալերի Օսիպյանը հանրահավաքի կազմակերպիչների հետ զրույցում հայտնեց, որ երթն անօրինական է եւ իրենք արգելելու են, սակայն Մարտիրոսյանն ասաց, որ երթը խաղաղ է լինելու։ Այժմ երթը շարժվումէ դեպի Բաղրամյան պողոտա։
