Ոստիկանությունը մեծ ուժեր է կենտրոնացնում Բաղրամյան պողոտայում։
NEWS.am-ի թղթակիցը հայտնում է, որ Ազատության հրապարաից եթով դեպի Բաղրամյան ուղեւորվող բազմությունն այժմ հավաքվել է պողոտայի սկզբնամասում, իսկ հորդառատ անձրեւը թրջում է մարդկանց։
Ոստիկանությունն արգելել է երթի մասնակիցներին բարձրանալ վեր՝ նշելով, որ երթը չիրազեկված է եւ ապօրինի, իրենք կանխելու են այն։ «Ժառանգություն» կուսակցության ներկայացուցիչ Արմեն Մարտիրոսյանը եւ երթի մի քանի մասնակիցներ վիճում են, քանի որ «Ժառանգության» անդամը հայտարարել է, թե առաջ չեն շարժվելու եւ կես ժամ փակ են պահելու պողոտայի սկզբնամասը։ Առավել արմատական տրամադրված երիտասարդները պնդում են, որ հարկավոր է առաջ շարժվել եւ ճեղքել ոստիկանական շղթան։
Ոստիկանությունն այս պահին արդեն փակել է պողոտան, նաեւ ավտոբուսներով ներքին զորքերի զինվորների են բերել՝ անհրաժեշտ պահին պողոտայում արգելապատնեշ տեղադրելու համար։ Տեղում են Երեւանի ոստիկանապետ Աշոտ Կարապետյանն ու նրա տեղակալ Վալերի Օսիպյանը։
Ի վերջո, չնայած երթի մասնակիցների զգալի մասի բողոքներին, որոշվեց վերադառնալ Ազատության հրապարակ։