Կիբեր հանցագործները որոշել են օգտվել Եվրոպայում ահաբեկչության վախից, որպեսզի մուտք ունենան դեպի ինտերնետ օգտատերերի անձնական տվյալներ։ Facebook–ում հայտնվել է News Czeck նորությունների էջ, որում Պրահայում «ահաբեկչության» մասին տեղեկություններ են հայտնվել։ Հաղորդվում է, որ «հարձակումից» զոհվել է 300 մարդ, ավելի քան 600–ը վիրավոր են, փոխանցում է iDNES չեխական կայքը։

Փորձելով վախեցնել մարդկանց՝ այդ էջում տեղադրվել էր NBC News–ի հղումը նրանց համար, ովքեր ավելի շատ բան են ուզում իմանալ «ահաբեկչության» մասին։ Այդ էջ անցնելու  համար օգտատերերը պետք է գրեին իրենց գաղտնաբառն ու ծածկագիրը, ինչն էլ չարագործներին մուտք էր ապահովում դեպի  անձնական տվյալներ։

Facebook–ն արգելափակել է էջերը, սակայն դեռ մնում են դրանց հետ կապված մի քանի դոմեն։ Նրանք բոլորը գրանցված են ԱՄՆ–ում նույն ժամանակահատվածում։