Հայաստանում ամուսնությունների եւ ամուսնալուծությունների դեպքերը 2016թ. առաջին կիսամյակում նվազել են: Այս մասին այսօր` հուլիսի 29-ին, լրագրողների հետ հանդիպմանն ասաց Հայաստանի Ազգային վիճակագրական ծառայության (ԱՎԾ) մարդահամարի եւ ժողովրդագրության բաժնի պետ Կարինե Կույումջյանը` նշելով, որ ամուսնության ցուցանիշը եղել է 7739` նախորդ տարվա համեմատությամբ արձանագրվել է նվազում շուրջ 9.8 տոկոսով , իսկ ամուսնալուծության դեպքերը` 1753, նվազում եղել է 7.7 տոկոսով:
Նա նշեց, որ ամուսնությունների ամենաբարձր ցուցանիշն արձանագրվել է մայրաքաղաքում, Վայոց ձորի եւ Կոտայքի մարզերում , իսկ ամուսնալուծությունների դեպքերի բարձր ցուցանիշը արձանագրվել է Երեւանում եւ Լոռու մարզում, իսկ ամենաքիչ ամուսնության դեպքերն արձանագրվել են Տավուշի մարզում: