Հայկական ֆինանսական ընկերությունները կկարողանան անարգել արժեթղթեր գնել Եվրասիական միության մյուս երկրների բորսաներում: ԵՏՄ անդամ պետությունների բրոքերների ու դիլերների մուտքը ազգային ֆոնդային բորսաներ փոխադարձ թույլատրելու (հավաստագրման) մասին համաձայնագրի նախագիծը հաստատվել է ՀՀ Կառավարության հուլիսի 29-ի նիստի ժամանակ:
ԿԲ ղեկավար Արթուր Ջավադյանը պարզաբանել է , որ դեպի արժեթղթերի միասնական շուկա աստիճանական քայլեր են նախատեսված նաեւ ԵՏՄ ստեղծման մասին պայմանագրով: Առաջին քայլը դառնալու է մի երկրի բրոքերների ու դիլերների՝ մյուս երկրների շուկաներում աշխատելու ազատությունը՝ այն պայմանով , որ նրանք կհամապատասխանեն այդ շուկաների կանոններին: «Այսպիսով մեր բանկերը ու ներդրումային ընկերույթունները կկարողաան ԵՏՄ մյուս երկրների բորսաներում ձեռք բերել արժեթղթեր ու դերիվատիվներ: Եվ հակառակը՝ գործընկերները կկարողանան գնել դրանք մեր բորսայում: Հետեւաբար՝ կավելանան նաեւ օտարերկրյա ներդրումները Հայաստանի տնտեսությունում»,- նշել է Ջավադյանը
Սահմանված են նաեւ ԵՏՄ երկրների վերահսկիչ ֆինանսական մարմինների կողմից համատեղ ստուգումների անցկացման ձեւերը: