Ֆինանսների նախարարությունը պատրաստ է քննարկել հարկերի ժամկետանց վճարումների համար տուգանքների նվազեցումը: Այս մասին նշված է գերատեսչության արձագանքում՝ կապված «Բարգավաճ Հայաստան» խմբակցության պատգամավոր Միքայել Մելքումյանի օրինագծի հետ:
Օրինագծի համաձայն՝ «հարկերի մասին» օրենքում առաջարկվում է նվազեցնել տուգանքը ժամկետանց հարկերի համար (ոչ թե գումարի 0,15 տոկոս ժամկետանց ամեն օրվա համար, այլ երկու անգամ պակաս՝ 0,075 տոկոս, ինչպես ԵՏՄ մյուս երկրներում է):
Կառավարության հուլիսի 29-ի նիստում ֆինանսների նախարար Գագիկ Խաչատրյանը նշել է, որ Հայաստանում այդ տուգանքները կարող են տարբեր լինել, քան ԵՏՄ մյուս երկրներում, սակայն հաշվարկվում են միայն տարվա ընթացքում (365 օր), մինչդեռ պետություններից շատերում, թեկուզ եւ ցածր են, սակայն հաշվարկվում են առանց ժամկետային սահմանափակման: Այսպես, թե այնպես, Ֆինանսների նախարարությունը պատրաստ է այդ փոփոխությունները քննարկել ընդհանուր հարկային բարեփոխումների կոնտեքստում՝ Հարկային նոր օրենսգրքի ընդունման գործընթացի շրջանակում:
