News
Լրահոս
News
Երեքշաբթի
Մարտ 19
Տեսնել լրահոսը

2016թ.-ի հուլիսի 27-ին Յունիբանկն ավարտեց երրորդ թողարկման բաժնետոմսերի տեղաբաշխման գործընթացը, որը եւս իրականացվեց  «ՆԱՍԴԱՔ ՕԷՄԷՔՍ Արմենիա» ֆոնդային բորսայում բաց ստանդարտ աճուրդի ձեւով: Առաջարկի արդյունքում բանկը տեղաբաշխեց սովորական դասի մոտ 12.2 մլն բաժնետոմս, որոնց ընդհանուր արժեքը տեղաբաշխման գնով կազմեց 2.8 մլրդ ՀՀ դրամ: Տեղաբաշխված բաժնետոմսերի միջին կշռված գինը կազմեց 230 ՀՀ դրամ: Այդպիսով Յունիբանկը հաջողությամբ տեղաբաշխեց ներկայացված ամբողջ ծավալը, ինչը փաստում է բանկի հանդեպ ներդրողների զգալի հետաքրքրության եւ վստահության մասին: Ներդրումային գործիքներ առաջարկելով հասարակությանը`  Յունիբանկը ստեղծում է խնայողությունների շահավետ եւ երկարաժամկետ ներդրման եւ մի շարք առավելություններից օգտվելու լրացուցիչ հնարավորություն, այդ թվում`  արտահերթ սպասարկում բանկի բաժնետոմսեր ձեռքբերած եւ բաժնետեր դառձած հաճախորդներին:

Որպես Յունիբանկի բաժնետոմսերի մարքեթ-մեյկեր (շուկա ստեղծող) հանդես է գալիս «ԱՐՄԵՆԲՐՈԿ» ԲԲԸ-ն:

2016թ.-ի երկրորդ եռամսյակում Յունիբանկը գրանցել է դրական ֆինանսական արդյունքներ գործունեության բոլոր հիմնական ուղղություններով եւ շարունակել է շահույթի աճը: Բանկի ակտիվները հաշվետու ժամանակահատվածում կազմել են մոտ 167 մլրդ ՀՀ դրամ, պարտավորությունները` 138 մլրդ ՀՀ դրամ: Բանկի ընդհանուր կապիտալը գերազանցել է 28,8 մլրդ դրամը` նախորդ տարվա համեմատ աճելով մոտ 27%-ով, ինչը պայմանավորված է ինչպես կանոնադրական կապիտալի 5,2 մլրդ դրամ աճով, այնպես էլ` շահույթի ձեւավորմամբ: 2016թ.-ի երկրորդ եռամսյակի արդունքներով Յունիբանկն ապահովել է ավելի քան 570 մլն ՀՀ դրամի շահույթ:

Այսօր Յունիբանկը ներկայացված է գլխամասային գրասենյակով, 46 մասնաճյուղերով եւ 54 պրոմո կետերով: Բանկը սպասարկում է ավելի քան 300 հազար հաճախորդի:

Նշենք նաեւ, որ Յունիբանկն արժեթղթերի հաշվարկային համակարգի անդամ է եւ ունի դեպոզիտար համակարգի հաշվի օպերատորի եւ կարգավորվող շուկայի հաշվարկային համակարգի անդամի կարգավիճակ` մատուցելով բաժնետիրական ընկերությունների ռեեստրի վարման եւ արժեթղթերի պահառության հետ կապված ծառայությունները:

Տպել
Կարդացեք նաև
Ամբողջը
ՀՀ բանկերի մեծ մասը մարտի 30-ից կդադարեցնի «Միր» քարտերի ընդունումը. ՌԲԿ
Մարտի 30-ից կդադարեցվի «Միր» քարտերի ընդունումը...
Գրիգորի Զաքարյան. Բիզնեսին պատրաստ ենք մատուցել ներդրումային համալիր ծառայություններ
Թողարկողին պիտի կրթել, փորձի վրա բացատրել ու էքսպերտիմենտալ եղանակով ապացուցել, որ արժեթղթերի թողարկմամբ ֆինանսների ներգրավումը կարևոր քայլ է ֆինանսական անկախության ճանապարհին...
Արդշինբանկի քարտապանները կարող են ստանալ 10 % cashback
Առաջարկը գործում է ամբողջ տեսականու համար...
«Սբերբանկ»-ն իր ապրանքանիշն է գրանցել Հայաստանում
Հայտը բավարարվել է հունվարին․․․
Դեֆլյացիան փետրվարին կազմել է 1,7 տոկոս. ՀՀ ԿԲ նախագահ
Հայաստանում 12-ամսյա գնաճը շարունակել է նվազել...
Վերաֆինանսավորման տոկոսադրույքն իջեցվել է 0.25 տոկոսային կետով եւ սահմանվել 8,5 տոկոս
Հայաստանի Հանրապետության կենտրոնական բանկի կողմից տրամադրվող լոմբարդային ռեպոյի տոկոսադրույքը` 10.0%...
Ամենաշատ